કાચી કેરી નું શાક રેસીપી

Ripal

રેસીપી

બનાવવા ની રીત:

કાચી કેરી બધા ને જ બહુ ભાવે. કાચી કેરી જેટલી સરસ લાગે એટલું જ સરસ અને સ્વાદિષ્ટ એનું શાક પણ લાગે છે. અત્યારે ઉનાળા ની ઋતુ માં કાચી કેરી બહુ આવે એટલે તેમાં થી આ કાચી કેરી નું શાક બનાવી ને ખાવું જ જોઈએ. આ કાચી કેરી નું શાક બાળકો પણ હોંશે હોંશે ખાય છે. આ શાક ખુબ જ ચટપટું અને ખાટું મીઠું હોય છે. આ શાક માં તમે થોડો અથાણાં નો મસાલો પણ ઉમેરી શકો છો. મેં અહીંયા એ ઉમેર્યો નથી પણ તમે ઈચ્છો તો ઉમેરી શકો છો. તો ચાલો ફટાફટ જાણી લો આ ચટપટું અને ખાટું મીઠું કેરી નું શાક બનાવાની રીત.

તૈયારીનો સમય:૫ મિનિટ

બનાવવા નો સમય:૧૦ મિનિટ

વ્યક્તિ માટે:૪

કાચી કેરી નું શાક રેસીપી બનાવવાની સામગ્રી:

કાચી કેરી નું શાક રેસીપી બનાવવા ના સ્ટેપ:

એક કડાઈ માં તેલ ગરમ કરો અને તેમાં જીરું ઉમેરો

જીરું તતડી જાય પછી તેમાં હળદર અને કાચી કેરી મીક્ષ કરો અને કેરી ને ૩-૪ મિનિટ સુધી સાંતળો

હવે તેમાં લાલ મરચું, ધાણાજીરું અને મીઠું મિક્સ કરો

પછી તેમાં ગોળ મીક્ષ કરો અને ગોળ ઓગળી જાય ત્યાં સુધી શાક ને હલાવો

શાક ને ૧ મિનિટ સુધી ચડવા દો

શાક ને સર્વ કરવા ના બાઉલ માં કાઢી લો અને રોટલી કે પરાઠા સાથે સર્વ કરો

કેરી નું શાક ૫-૭ દિવસ સુધી સારું રહે છે